काठमाडौं — राष्ट्रिय खेलकुद विकास बोर्डले खेल र खेलाडीको चौतर्फी विकासका लागि आगामी पाँच वर्षको रणनीतिक योजना सार्वजनिक गरेको छ। योजनामा देशैभर खेलकुद पूर्वाधारको विकास, विद्यालय स्तरबाटै खेल प्रतिभाको खोजी र खेलाडीहरूको वृत्तिविकासका लागि विभिन्न कल्याणकारी कार्यक्रमहरू समावेश गरिएका छन्। यसले अन्तर्राष्ट्रिय प्रतियोगिताहरूमा नेपालको उपस्थिति बलियो बनाउने विश्वास लिइएको छ।
