काठमाडौं । भोटेकोशी बाढीमा सम्पर्कबिहिन हुनेको संख्या बढेर २,४९८ पुगेको छ जसमध्ये सबैभन्दा धेरै जलविद्युत आयोजनाबाट ९३३ र विदेशी पर्यटकबाट ५८९ जना छन् ।
अहिलेसम्म कुल ६७५ वटा शव भेटिएको छ । ७,५१४ जनाको उद्वार गरिएको छ । राष्ट्रिय विपद् जोखिम न्यूनिकरण तथा व्यवस्थापन प्राधिकरणले शनिबार साँझ ६ः३० सम्म यस्तो विवरण सार्वजनिक गरेको हो ।
उपचार र डिस्चार्जसहित घाइतेको संख्या २१९ छ भने प्रभावित क्षेत्रमा सर्जिकल मेडिकल टिम पनि परिचालन गरिएको छ ।
अहिलेसम्म रसुवा र नुवाकोटलाई १/१ करोड रुपैयाँ, धादिङलाई ५० लाख, १५ पालिकालाई ६ करोड ७५ लाख रुपैयाँ राहत प्रदान गरिएको छ । हालसम्म ३७ ट्रक खाद्य र गैरखाद्य सामग्री पठाइएको छ ।
शनिबार मात्र १८ हजार ७०८ जना सुरक्षाकर्मी प्रभावित क्षेत्रमा परिचालन गरिएको छ ।
